“Gəncliyimiz” yay düşərgəsinə qeydiyyat başlayır

Product Description

Azərbaycan Respublikasının Gənclər Fondunun dəstəyi, “Gənc Könüllülər” İctimai Birliyinin təşkilatçılığı ilə yay tətilini daha səmərəli və əyləncəli keçirmək məqsədilə “Gəncliyimiz” yay düşərgəsinə qeydiyyat başlayır.

Oxu.Az xəbər verir ki, düşərgənin keçirilməsində əsas məqsəd Gənc könüllülərin asudə vaxtlarını səmərəli keçirmələri, fərdi inkişaflarına təkan vermək, həmçinin peşəkar mentorların təqdimatında təlim və seminarların sayəsində zəruri bilik, bacarıq və səriştələrinin artırılmasıdır.

1-5 sentyabr 2022-ci il tarixlərində Naftalan şəhərində həyata keçiriləcək düşərgə çərçivəsində gənc könüllülər qeyri-formal təhsil metodikası formatında könüllülük, təqdimat bacarıqları, ünsiyyət bacarıqları və könüllülərin inkişaf prosesinə dəstək məqsədli bir çox təlim və seminarlarda iştirak edəcəklər.

Düşərgə müddətində iştirakçılar üçün komanda ruhu formalaşdıran oyunlar, intellektual yarışlar, musiqili əyləncəli proqramlar təşkil olunacaq.

Əgər sən də peşəkar və şəxsi zəmində təkmilləşmək, əylənərək öyrənmək, yeni dostluqlar qazanmaq İstəyirsənsə, qeydiyyatdan keçməyə tələs.

Qeyd edək ki, düşərgəyə yalnız cari fəaliyyət göstərən gənc könüllülər müraciət edə bilərlər. Son müraciət tarixi 25 avqust saat 23:59-dur.