Çağdaşlarımız arasında Drift həvəskarı avtomobil sahibləri varsa, onları möhtəşəm tədbirə dəvət edirik!

Product Description

Dünyanın ən həyəcanverici drift seriyası 24 sentyabrda ilk dəfə Bakıya gəlir! Azərbaycanın hər yerindən ən yaxşı drifterləri burada görəcəksiniz.

“Red Bull Car Park Drift”in son dayanacağı bu il Bakı olaraq qərarlaşdırılıb. Böyük tələbatdan sonra, nəhayət, dünyanın ən maraqlı “Car Park Drift” seriyası sentyabr ayında alovlar şəhərində, ikonik Bakı Bulvarında tamaşaçılarla olacaq.

Drift, motorsport idman növləri arasında ən sürətlə yayılanlardan biri olmasına baxmayaraq, hələ də bir çox maşınsevər üçün yenidir. Sürətli maşın səs-küyündən, yəni “Red Bull Car Park Drift”dən qabaq, seriyanın niyə driftinqin ən həyəcanverici yarışlarından olduğunu və digər seriyalardan nə ilə fərqləndiyini qısaca izah edək.

İlin qaçırılmamalı motorsport idman növü yarışı “Red Bull Car Park Drift”də sürücülər xüsusi hazırlanmış maneələrin öhdəsindən gələcək, bir qədər səs-küy salacaq və mümkün qədər çox tüstü çıxaracaqlar. Nəticədə ölkənin ən yaxşı drifteri seçilib Səudiyyə Ərəbistanında keçiriləcək “Red Bull Car Park Drift”in Dünya Finalında Azərbaycanı təqdim edəcək.

“Red Bull Car Park Drift” dəli bir yarışdır! Çoxmərtəbəli avtodayanacaqların dar küncləri, beton dirəkləri və dayaqları boyunca hərəkət edən drifterlərdən ilhamlanaraq yaradılmış bu seriya, maneələrlə dolu yerlərdə sürətlə hərəkət etmək, driftinq məharətləri sərgiləmək və “pendulum”, “spiral”, “gate”, “flipper” kimi adlandırılan tapşırıqları yerinə yetirməkdən ibarətdir. İştirakçılar münsifləri heyrətləndirərək mümkün 400 xal üstündən ən yüksək nəticəni əldə etməyə çalışırlar.

Drifterlər, driftinq bacarıqları ilə yanaşı maşınlarının görünüşü, səsi və təkələrindən nə qədər tüstü çıxmasına əsasən də mükafatlandırılır. Hər sürüş “box” adlanılan yerdə başa çatır burada sürücülər maşınlarını dairəvi şəkildə döndürməli və maneələrlə dolu kiçik kvadrat çərçivənin ətrafında drift etməlidirlər. Əgər sürücülər fırlanar, yanlış istiqamətə sürüklənər və ya maneəyə dəyərsə, xalları azalır. Üç penaltidən sonra oyundan kənarlaşdırılırlar.

Sürətlə driftinq etməyin mürəkkəbliyi təqdirəlayiqdir.