Product Description

Dövlət Turizm Agentliyi tərəfindən turizm sahəsində layihələrin qrant maliyyələşdirilməsi turizm infrastrukturunun inkişaf etdirilməsi, turizm xidmətlərinin keyfiyyətinin yüksəldilməsi, regional turizmin inkişafı, prioritet turizm bazarları üçün xüsusi turizm məhsullarının yaradılması və turizm sahəsində innovasiyaların və tədqiqatların stimullaşdırılması, habelə turizm sahəsində maarifləndirmə məqsədilə həyata keçirilir.

Müsaqibədə kimlər iştirak edə bilər?

Bələdiyyələr, təhsil müəssisələri, qeyri-hökumət təşkilatları, təşkilati-hüquqi formasından asılı olmayaraq Azərbaycan Respublikasında qeydiyyatdan keçmiş digər hüquqi şəxslər və Azərbaycan Respublikasının vətəndaşı olan fiziki şəxslər
müsabiqədə iştirak etmək hüququna malikdirlər.

Layihələrin müddəti
Müsabiqəyə təqdim olunmuş layihələrin icra müddəti səkkiz aydan çox
olmamalıdır.

Layihələrin məbləği
Layihələrin məbləğinin dəyəri 30, 000 (otuz min) manatdan çox olmamalıdır.

Müsabiqənin başlama tarixi
Müsabiqə 7 mart 2022-ci il tarixindən etibarən açıq elan edilir.

Layihə təkliflərinin qəbulu üçün son tarix
Layihə təklifləri 7 aprel 2022-ci il, saat 18:00-dək aşağıdakı qeyd edilən formada
Agentliyə təqdim edilə bilər.

Layihənin təqdim edilmə forması
Müsabiqə sənədləri müşayiətedici sənədlər ilə birlikdə layihələrin təqdim edilməsi
üçün müəyyənləşdirilmiş son tarixdən öncə grants@tourism.gov.az elektron poçt
ünvanına göndərilməlidir.