Sosial Sahibkarlıq Nədir?

 

 

Sosial Sahibkarlıq nədir?

Sosial sahibkarlıq sosial problemləri tanımaq və sahibkarlıq prinsiplərini tətbiq etməklə sosial problemi həll etmək və sosial dəyişikliyə nail olmaqdan ibarətdir. Bu müəyyən bir sosial problemi tamamilə müəyyənləşdirmək üçün araşdırma aparmaq və sonra istənilən dəyişikliyə nail olmaq üçün sosial təşəbbüsü təşkil etmək, yaratmaq və idarə etməkdir. Dəyişiklik sosial problemin hərtərəfli aradan qaldırılmasını təmin edə bilər. Və yaxud mövcud şəraitin yaxşılaşdırılmasına yönəlmiş ömür boyu davam edən bir proses ola bilər.

Ənənəvi sahibkarlıq yeni bir iş qurmaq və ya mövcud biznesi inkişaf etdirmək üçün liderlik etmək demək olsa da, sosial sahibkarlıq mənfəət və ya investisiyanın qaytarılmasından daha çox sosial kapitalın yaradılmasına diqqət yetirir. Bu sahənin sahibkarları əsasən qeyri-kommersiya təşkilatları və sektorları ilə işləyirlər. Ancaq bu o demək deyil ki, ümumiyyətlə gəlir əldə etməməlidir. Çünki sosial sahibkarlığın fəaliyyətini  davam etdirməsi və cəmiyyətə davamlı fayda göstərməsi üçün müəyyən bir büdcə tələbatı var.

Sosial sahibkarlıq sosial problemlərlə yanaşı ictimai və ekoloji problemlərə də biganə qalmır. Uşaq hüquqları fondları, qadınların səlahiyyətlərinin artırılması fondları və tullantı emalı zavodları sosial təşəbbüslərə nümunə ola bilər. Sosial sahibkarlar, həmçinin ictimai tədbirlər və fəaliyyətlər vasitəsilə vəsait toplayan qeyri-kommersiya və qeyri-hökümət təşkilatları ilə əlaqəli şəxslər ola bilərlər.

Müasir dünyada cəmiyyətə çoxlu töhfələr vermiş bir neçə tanınmış sosial sahibkar var. “Grameen Bank”-ın təsisçisi və meneceri Məhəmməd Yunus öz yaratdığı sosial biznesinə görə 2006-cı ildə Nobel Sülh Mükafatına layiq görülmüş ilk sosial sahibkardır.

“Rang De” sosial bizneslərə başqa bir parlaq nümunə ola bilər. 2008-ci ildə Ramakrishna və Smita Ram tərəfindən irəli sürülmüş bu təşəbbüs Hindistanda kənd və şəhər yaşayan yoxsul şəxslərin illik 2 faizdən aşağı faiz dərəcəsi ilə mikro kreditlər əldə edə biləcəyi onlayn platformadır. Ölkənin hər yerindən olan kreditorlar borcalanlara birbaşa borc verə, investisiyaları izləyə və müntəzəm ödənişləri onlayn qəbul edə bilərlər.

“George Fondu” daha bir yerli səviyyədə tanınan sosial sahibkarlıq  müəssisədir. Qadınların Gücləndirilməsi Proqramı qadınları təhsil, peşə hazırlığı, kooperativ əkinçilik, biznesin inkişafı və əmanətlərin planlaşdırılması ilə təmin etməklə onlar arasında maariflənmə aparır. Bu qurumlar sosial sahibkarlıq prinsiplərindən istifadə etməklə sosial problemləri həll edir, cəmiyyətdə müsbət dəyişikliklərə səbəb olurlar.

Cəmiyyətdə müsbət dəyişiklik yaradan bir sıra digər təşkilatlar da var. “Echoing Green”, “Kanada Sosial Sahibkarlıq Fondu”, “Schwab Sosial Sahibkarlıq Fondu”, “The Skoll Foundation”, “NIKA Water Company”, “Newman’s Own” və “Ashoka: Innovators for the Public” sosial dəyişiklik etmək və cəmiyyətdə mövcud şəraiti davamlı olaraq yaxşılaşdırmaq məqsədi daşıyan təşkilatlardır.

Sosial sahibkarlıq sahəsi sürətlə inkişaf edir və çoxsaylı könüllülərin diqqətini cəlb edir. Bu artıq universitet şəhərciklərində ümumi terminə çevrilib. Sosial sahibkarlığın artan populyarlığının səbəbi insanların uzun müddət düşündükləri şeyi edə bilmələridir. Xüsusi istedadlı insanlar öz parlaq ideyalarını ortaya qoyur və cəmiyyətə müsbət dəyişiklik gətirirlər